Toshkent viloyati hokimi Zoyir Mirzayev ijtimoiy himoyaga muhtoj fuqarolarni qo‘llab-quvvatlash maqsadida “Sahovat va ko‘mak” jamg‘armasi mablag‘larini shakllantirish bo‘yicha farmoyish imzoladi.
Unga ko‘ra, viloyat mahalliy byudjetining joriy yil III chorak yakuni bilan shakllangan daromadlar rejasining orttirib bajarilgan qismi hisobidan viloyatdagi nogironligi bo‘lgan, kam ta’minlangan, ijtimoiy himoyaga muhtoj, uy-joyi ta’mirtalab fuqarolarni qo‘llab-quvvatlash maqsadida viloyat mahalliy budjetidan 1 milliard so‘m mablag‘ ajratildi.
Qayd etilishicha, viloyat hokimligi moliya bosh boshqarmasi mablag‘ ajratish bo‘yicha “Davlat moliyasini boshqarish axborot tizimi”da tegishli o‘zgartirishlar kiritilishini ta’minlaydi. Bundan tashqari, viloyat g‘aznachilik boshqarmasi esa ajratilgan mablag‘ bo‘yicha to‘lovlarni o‘z vaqtida amalga oshirilishini nazoratga oladi.
Shuningdek, viloyat davlat moliyaviy nazorati boshqarmasi ajratilgan mablag‘dan maqsadli foydalanilishini tekshiradi.
Mazkur farmoyishning ijrosini nazorat qilish viloyat hokimining birinchi o‘rinbosari M.Fayziyev zimmasiga yuklanadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!