Muxbar, 1955-yil 1-sentabrda tug‘ilgan, xuddi Raisiy singari, oliy rahbar Ali Xomanayiga yaqin inson sanaladi. 2021-yilda Raisiy prezident etib saylanganida Muxbar birinchi vitse-prezident bo‘ladi.

Muxbar, oktyabr oyida Moskvaga tashrif buyurgan Eron rasmiylari guruhining bir qismida boʻlgan va Rossiya harbiylariga raketalar va uchuvchisiz dronlarni yetkazib berishga rozi boʻlgan, deya xabar beradi Reuters manbalari.

Ma’lumotlarga ko‘ra, Muxbar avval oliy rahbarga aloqador “Setad” investitsiya fondini boshqargan.

2010-yilda Yevropa Ittifoqi Muxbarni “yadro quroli yoki ballistik raketalar bilan bog‘liq faoliyat”ga aloqadorlikda gumon qilib, sanksiya qo‘yilgan jismoniy va yuridik shaxslar ro‘yxatiga kiritadi. Ikki yildan soʻng u roʻyxatdan oʻchiriladi.

2013-yilda AQSh Moliya vazirligi “Setad” va u nazorat qiladigan 37 ta kompaniyani sanksiyalangan tashkilotlar roʻyxatiga kiritadi.

Setad – Imomning buyrugʻini bajarish shtab-kvartirasi boʻlib, Islom Respublikasi asoschisi, Xomanayining oʻtmishdoshi Oyatulloh Ruhulloh Humayniyning buyrugʻi bilan tashkil etilgan. Jamgʻarma xodimlariga 1979-yilgi Islom inqilobidan keyingi xaos yillarida tashlab qoʻyilgan mol-mulkni sotish va boshqarish hamda tushgan mablagʻning katta qismini xayriya ishlariga yoʻnaltirish topshirilgan.

• Aviahalokat
• Eron
• Ibrohim Raisiy