Amerikalik aktyor, kinorejissyor, prodyuser va xonanda Edvard Rigan Myorfi 1961-yilning 3-aprelida Nyu-Yorkda tavallud topgan. U bizga “Tanishing Deyv”, “Amerikaga sayohat, “1000 ta so‘z” filmlari bilan tanish. Quyida esa uning shaxsiy hayoti va kino olamidagi yutuqlari bilan tanishamiz.

Hayoti va karyerasi
• Eddining onasi telefon operatori bo‘lib ishlagan, otasi esa yo‘l politsiyasida faoliyat ko‘rsatgan. Shuningdek, uning otasi aktyorlikka qiziqqan va ko‘ngillilar teatrida chiqishlar qilgan.

• Aktyorning ota-onasi Eddi 3 yoshligida ajrashishgan, 8 yoshligida esa otasi vafot etgan. Shundan so‘ng onasi boshqa turmush qurgan. “Yangi” ota bolakaydagi iqtidorni tez ilg‘ab olgan va shu yo‘nalishda harakatlanishiga imkoniyat yaratib bergan.

• Eddi Myorfi 15 yoshida ham yosh aktyorlar klublarida chiqishlar qilar edi.

• Eddi Myorfi aktyorlik qobiliyatini yoshlik paytlaridanoq rivojlantirishni boshlagan. U nafaqat aktyor, prodyuser va xonanda, balki o‘zining “stendap” yo‘nalishidagi chiqishlari bilan ham mashhurdir. Uning “stendap” janrida chiqargan filmi shu yo‘nalishda chiqqan eng kassabop filmlardan biri hisoblanadi. Keyinchalik o‘zining aytishi bo‘yicha “stendap” uning uchun quvnoq mashg‘ulot bo‘lmay qolgan. 27 yoshida OITS va boshqa bir qancha jiddiy mavzular ustidan kulib, tanqid ostiga olib, keyinchalik uzr so‘rashiga to‘g‘ri kelgani uchun ham bu yo‘nalishda ijod qilishdan voz kechgan.

• Unga aktyorlik sohasida muvaffaqiyat 1982-yil “Qirq ikki soat” filmi katta ekranlarga chiqqanidan keyin keldi. Shu filmdagi roli uchun u “eng yaxshi debyutant aktyor” nominatsiyasi bo‘yicha “Oltin globus” mukofoti nomzodi bo‘lgan. Tanqidchilar tomonidan esa “1982-yilning eng yaxshi filmi” deb topilgan.

• U “Shrek”dagi “eshshak” va “Mulan” multfilmidagi “Mushu” rollariga ovoz bergan.

• Eddi Myorfi Gollivudning eng boy qoratanli aktyorlaridan biri hisoblanadi.

• Eddi birinchi roli uchun 1 mln. dollar olgan birinchi aktyor hisoblanadi.

• Mashhur qo‘shiqchi Uitni Xyuston Bobbi Braunga turmushga chiqishidan oldin Eddi Myorfi bilan uchrashib yurgan.

Guljahon Sanjarbekova tayyorladi