Ota-bobolarimiz dori-darmonlarga ruju qo‘yavermasdan, tabiiy dorivorlardan juda unumli foydalanishgan. Agar e’tibor beradigan bo‘lsangiz, hozir zamonaviy tibbiyotda ham tabiiy dorivorlardan ko‘proq foydalanilmoqda. Tabiiy antibiotiklarga nimalar kiradi? 

1. Zanjabil ildizi

Zanjabilni yangi yetilganida, maydalab, quritib, ekstrakt, yog‘, damlama sifatida ham iste’mol qilish mumkin. Uning ildizi chanqoqni qondiradi, ishtahani ochadi. Bundan tashqari, kuchli antibiotik sifatida shamollashga qarshi qo‘llaniladi va, hatto, og‘riq qoldiruvchi xususiyati ham bor. 
 
2. Kokos yog‘i  

Bu tabiiy antibiotik yo‘talga, yallig‘lanish jarayoniga qarshi samarali kurashadi. Tarkibidagi mikrob, virus va zamburug‘larga qarshi turuvchi moddalar oshqozon-ichak tizimiga tushgan zararli patogenlarni ham siqib chiqara oladi.    

3. Olma sirkasi

Olma sirkasi shamollashga qarshi juda kuchli vosita sanaladi. Undan tashqari akne, artrit, podagra kabi kasalliklarning alomatlarini kamaytiradi. Og‘riqlarni ancha yengillashtiradi. Tanani probiotiklar bilan ta’minlaydi.   

4. Asal

Asal ajoyib antibiotik. Bundan tashqari, tarkibidagi vodorod pereksi turli yaralarni tozalaydi. Tadqiqotchilar asalning 60 dan ortiq bakteriyaning kushandasi ekanligini aniqlashgan.   

5. Sarimsoq va piyoz

Sarimsoq va piyoz bir-biriga yaqin davolovchi xususiyatga ega. Ular tabiiy antibiotik sifatida shamollashlarga yaxshi ta’sir qiladi. Zamurug‘larni yo‘qotadi. Saraton paydo bo‘lishining oldini oladi.  Dorixonalar mavjud bo‘lmagan davrlarda juda ko‘p kasalliklarni davolashda qo‘llanilgan.

6. Greypfrut urug‘i ekstrakti  

Ilgarigi zamonlarda bu ekstrakt bilan oshqozon-ichak yo‘li infeksiyalardan tozalangan. Bundan tashqari, u qon aylanishini yaxshilayli, bo‘g‘imlar yallig‘lanishini oladi, terini ultrabinafsha nurlaridan asraydi.

7. Oregano yog‘i

Bu yog‘ shamollashga, viruslarga, zamburug‘larga qarshi kurashuvchi ajoyib vosita.  

8. Chinnigul  

Chinniguldan tayyorlangan ziravor og‘iz bo‘shlig‘i salomatligini ta’minlay oladi. Hozirda chinnigulning davolovchi xususiyatlari keng miqyosda o‘rganilmoqda.  

9. Toshcho‘p

Tarkibida efir moyi ko‘pligidan  ko‘plab uyni tozalovchi vositalar tarkibiga kiritiladi. Qolaversa, u tabiiy antiseptik va antimikrob sanaladi. Undan teri kasalliklarini bartaraf qilish maqsadida foydalanish mumkin.   

10. Exinatseya
Siz bu gulni bog‘larda, dalalarda ko‘p uchratgansiz. Bu gul shamollashga qarshi juda samarali kurashadi.  Quloq, teri kasalliklarida yaxshi foyda beradi.