NasrNews xabariga ko‘ra, Eron prezidenti Mas’ud Pezeshkiyon kortejidagi avtomobillarga suyultirilgan benzin quyilgani sababli taksiga o‘tirishga majbur bo‘lgan.

Prezidentning maxsus inspektori Mustafo Molaviyning aytishicha, voqea Pezeshkiyonning Tabrizga norasmiy tashrifi paytida yuz bergan. Kazvin viloyatidagi yonilg‘i quyish shoxobchasida prezident kortejidagi uchta avtomobilga suv aralashtirilgan benzin quyilgan. Natijada ular belgilangan manzilga yetib bora olmagan. Oqibatda prezident xususiy taksida Tabrizga yo‘l olishga majbur bo‘lgan.

Mas’ud Pezeshkiyon ushbu hodisaga javoban hech qanday rasmiy chora ko‘rmadi, aksincha xususiy taksida Tabrizga yo‘l oldi, deyiladi xabarda.

• Eron
• Prezident