WhatsApp’da qanday qilib raqamni yangilasa bo‘ladi?

Bugungi kunda biz foydalanadigan barcha onlayn xizmatlar bulutli texnologiyalarga asoslangani sababli, ma’lumotlarni yo‘qotish muammosi deyarli uchramayapti. Hattoki, WhatsApp’dagi yozishmalar nafaqat smartfoningizda, balki bulutli xotirada ham saqlanib qoladi. Shuning uchun, qurilmani o‘zgartirganda xabarlar yo‘q bo‘lib ketmaydi va istalgan vaqtda ularni yo‘qotmasdan yangi qurilmaga tiklab olish mumkin. Buning uchun avvalo akkauntga bog‘langan telefon raqamidan kirish kerak. Ammo raqamning o‘zini o‘zgartirish kerak bo‘lsa, nima qilish kerak?

Deylik, telefon raqamingizni yangisiga o‘zgartirshni istayapsiz. Ammo WhatsApp’dagi yozishmalaringizni va barcha guruhlaringizni yo‘qotishni xohlamayapsiz. Messenjer aynan shunday holatlarda qulaylik yaratish uchun mavjud hisob qaydnomangizni yangi raqamga ulashga imkon beradigan vositani taqdim etadi. 

 Muhimi, yangi ishlatmoqchi bo‘lgan raqamingizga avval WhatsApp ochilmagan bo‘lishi kerak. Bunday holda, qayta ulash xavfsizlik nuqtai nazaridan muvaffaqiyatsiz bo‘ladi.

WhatsAppni boshqa raqamga qanday bog‘lash kerak?

1.  Eski smartfoningizga WhatsApp yordamida yangi SIM-kartani joylashtiring (yangi smartfonda raqamni qayta ulash tizimi ishlamaydi);

2.  WhatsApp’ni ishga tushiring va “Sozlamalar” – “Akkaunt” – “Raqamni o'zgartirish” bo‘limiga o‘ting;

3.  Eski raqamingizni yuqoridagi bo‘sh maydonga kiriting;

4.  Pastki maydonga yangi raqamingizni kiriting va “Keyingi” tugmasini bosing;

5.  “Tayyor” tugmachasini bosing va telefon raqamingizni yangi raqamga keladigan SMS-kod orqali tasdiqlang.

Akkauntingizni yangi telefon raqamiga ulaganingizdan so‘ng, kontaktlaringiz  ro‘yxatidagi foydalanuvchilar bu haqda ogohlantirilmaydi. Shuning uchun biz ularga xabar berishni maslahat beramiz. Buning uchun, ulanish bosqichida, siz barchaga yoki tanlangan obunachilarga telefon raqamingizni o‘zgartirayotganingiz to‘g‘risida xabar yuborishingiz mumkin. Ana shunda faqat siz xabar bergan odamlargina sizga ulana oladi. Agar bunday qilmagan taqdiringizda ham sizning hisob qaydnomalaringiz aloqalar ro‘yxatidan o‘chirilmaydi. Shuning uchun ogohlantirish funksiyasidan ixtiyoriy tarzda foydalanish mumkin.