Los-Anjeles-2028 yozgi Olimpiya o‘yinlari tashkiliy qo‘mitasi bo‘lajak bellashuvlarning sanalari va sport turlariga biriktirilgan arenalar nomini e’lon qildi.

O‘yinlarning rasmiy ochilish marosimi 14-iyul sanasiga to‘g‘ri kelsa-da, ba’zi sport turidagi saralash bellashuvlari 12-iyul kunidan boshlanadi. Ochilish marosimi musobaqa uchun maxsus qurilgan “2028 stadioni”da o‘tkaziladi. Marosimdan keyin ushbu arena 1 hafta mobaynida suzish bahslariga moslashtiriladi.

Dastlabki medallar jamlanmasi 15-iyul kuni o‘ynaladi. Unda triatlon, yengil atletika, slalomda eshkak eshish, qilichbozlik, dzyudo, regbi-7, o‘q otish turlarida g‘olib va sovrindorlar aniqlanadi. Musobaqaning tantanali yopilish marosimi esa 30-iyul kuniga belgilangan. Ushbu sanada kunning birinchi yarmida marafon, basketbol, boks, velotrek, suzish, voleybol va sport kurashlari bo‘yicha final bahslari tashkil etiladi.

O‘yinlarning yopilish marosimi “LA Memorial kolizeyi”da bo‘lib o‘tadi.

• Basketbol
• Futbol
• Olimpiada
• Sport