“The Washington Post” gazetasining yozishicha, joriy yilning 4-iyul kuni AQSh prezidenti Donald Tramp va Ukraina prezidenti Volodimir Zelenskiy telefon orqali muloqot qilgan.

Ammo bu suhbat o‘sha kunlarda ommadan yashirilgan.  Sababi o‘sha suhbatda Ukrainaning amaldagi holati va qarshi hujumga o‘ta olishi yoki olmasligi kabi o‘ta nozik masalalar muhokama qilingan.

Xususan, Tramp Ukraina Moskva yoki Sankt-Peterburg kabi shaharlarga hujum qila oladimi degan savolga Zelenskiy: “Agar bizda keraklicha qurol-yarog‘ bo‘lsa biz buni qila olamiz” – deya javob bergan.

Ko‘plab g‘arb ommaviy axborot vositalari bu haqda xabar topishgan. Ammo o‘zlarining xavfsizlik nuqtayi-nazaridan mazkur suhbatni boshqacha ko‘rinishda taqdim etishgan.

Keyinroq Oq uy matbuot kotibi Kerolin Levit bayonot berib, haqiqatan ham bu suhbat bo‘lib o‘tganini, ammo prezident Tramp bu ma’lumotlarni shunchaki oddiy ma’lumotni bilish uchungina so‘raganini gapirib o‘tdi.

• AQSh
• Tramp
• Ukraina
• Zelenskiy