Oʻzbekiston Respublikasi Prezidenti “Qoraqalpogʻiston Respublikasi Ichki ishlar vazirligining 19-son ixtisoslashtirilgan jazoni ijro etish koloniyasini tugatish toʻgʻrisida” gi qarorni imzoladi. “Jasliq” qoʻrgʻonida joylashgan, xalq orasida ham “Jasliq” nomi bilan mashhur muassasaning yopilishi yuzasidan Oʻzbekiston hayotiga befarq boʻlmagan bir qator xorijiy shaxslar ijtimoiy tarmoqlarda munosabatini bildirishmoqda. Bu xaqida kun.uz xabar bermoqda

AQSHning Oʻzbekistondagi sobiq elchisi Pamela Spratlen:

“Juda ham ramziy ahamiyatga ega qaror! Modomiki, «Jasliq” toʻliq yopilar ekan (umuman qayta ochilmasligi lozim), bu qaror oʻtmish bilan rishtalarni uzish uchun oʻta kuchli va zarur ishora boʻladi. Yangi Oʻzbekiston uchun unday maskanlar kerak emas va hukumat buni anglab yetgani nihoyatda muhimdir».

The Economist jurnalisti Joanna Lillis:

“Bu — katta ahamiyatga ega molik. Oʻzbekiston uchun katta yangilik”.

Human Rights Watch vakili Andryu Stroglen:

“Bu oxirgi oʻtgan qisqa muddat ichida yangragan yaxshi yangiliklarning biridir. Shunga qaramay, bosib oʻtilishi shart boʻlgan katta yoʻl oldinda, hukumatda koʻpchilik islohotlarga intilsa, ayrimlar uning aksini bajarmoqda”.
 
Human Rights Watch vakili Stiv Sverdlov:

“Shaksiz, bu Oʻzbekiston uchun yaxshi yangilik, umid qilamanki, epoxaning yakuni ham shu. Oʻzbekistonning shov-shuvli zoʻravonlik ishlari aynan Jasliqda sodir etilgan. Muassasani yopish bilan prezident katta siyosiy jasorat koʻrsatdi. Tarixni oʻrganish kerak, xatolar takrorlanmasligi kerak”.