Mutaxassislar bo‘y balandligi 150-160 sm.ni tashkil qiluvchi insonlarda qandli diabetning 2-turi bilan og‘rish xavfi yuqori, deb bong urishmoqda. Ammo bo‘yi o‘rtacha balandlikdagilarning bari bu kasallik bilan og‘riydi, degani emas. Umuman, bo‘y va qandli diabet o‘rtasida qanday bog‘liqlik bor?

Bog‘liqlik nimada?
Olimlarning ta’kidlashicha, bo‘y ko‘rsatkichi qandli diabetni aniqlovchi omil bo‘lishi mumkin. O‘tkazilgan tadqiqotlar o‘rtacha balandlikdagilar qandli diabetning 2-turi bilan ko‘proq og‘rishini ko‘rsatgan. Mutaxassislarning qo‘shimcha qilishicha, jigarda yig‘ilgan yog‘ va qondagi lipid (yog‘)larning ortishi bu kasallik xavfini oshiruvchi belgilardir.

Bo‘yingizni o‘stirishga kechikkan bo‘lsangiz, ogohlik va hayot tarzini o‘zgartirish orqali kasallikni chetlab o‘tishingiz mumkin. Bo‘y qancha baland bo‘lsa, qandli diabetga chalinish xavfi shuncha kamayadi. Germaniyalik olimlar erkaklarning qandli diabetning 2-turi bilan og‘rish xavfi 41 foizni, ayollarda 33 foizni tashkil qilishini ta’kidlashmoqda. Uzun oyoq sohiblarida esa, bu kasallik xavfi juda past ko‘rsatkichni tashkil qilgan. 

Xulosa
Tadqiqot xulosasiga ko‘ra, o‘rtacha bo‘yli insonlarda yog‘ va uglevod almashinuvida o‘ziga xoslik mavjud. Qandli diabetning rivojlanishida mana shu o‘ziga xoslikning buzilishi sababchi bo‘ladi.

Yechim
Agar sizning bo‘yingiz 160 sm.dan past bo‘lsa, vazningizni va qondagi qand miqdorini nazorat qilishni to‘xtatib qo‘ymang. Yog‘li va uglevodli mahsulotlarni kamroq iste’mol qiling va ko‘proq harakatlaning. Shunda siz diabetni ortda qoldirasiz!