2025-yilda Rossiya kamida 902 nafar O‘zbekiston fuqarosini urushga yollashga muvaffaq bo‘lgan. Bu haqda rossiyalik harbiylarning ixtiyoriy ravishda asirga tushishiga ko‘maklashuvchi Ukrainaning “Xochu jit” (“Yashashni xohlayman”) davlat loyihasi xabar berdi.

“Biz O‘zbekistondan kelgan yollanma askarlar ro‘yxati (1110 nafar)ni e’lon qilganimizdan so‘ng mamlakatda fuqarolarning jangovar harakatlarda ishtiroki haqidagi ma’lumotlarni tekshirish boshlandi, biroq, yollanma askarlarni jinoiy ta’qib qilish kuchayganiga qaramay, Rossiya ularni yollash bo‘yicha sa’y-harakatlarni kuchaytirishda davom etmoqda”, – deya qayd etgan loyiha.

Unga ko‘ra, yaqinda Rossiya fuqaroligini olgan migrantlarga nisbatan yollash ko‘pincha shantaj va aldovlar orqali sodir etiladi. “Natijada bugun Ukrainada 33 davlat fuqarolari asirlikda saqlanmoqda. Xorijiy harbiy asirlar soni bo‘yicha O‘zbekiston birinchi o‘rinda turadi”, – deyiladi bayonotda.

“Xochu jit”, shuningdek, Rossiya qamoqxonalarida jazo muddatini o‘tayotganlar tahdid va ruhiy bosim orqali urushga jalb qilinayotganini qo‘shimcha qilgan.

• O‘zbekistonlik
• Rossiya
• Ukraina
• Urush
• askar