Bugun test sinovlarining oxirgi kuni natijalari e’lon qilindi. Barcha imtihon topshirganlarning javoblari chiqib bo‘ldi, ya’ni endi yangi natijalar qo‘shilmaydi. Faqat ayrim yo‘nalishlarda kasbiy(ijodiy) imtihon natijalari kiritilishi mumkin.

Endilikdan abituriyentlarga yo‘nalish tanlash imkoniyat beriladi. Tanlash uchun 15 kun vaqt beriladi.

15 kun o‘tgach, mandat shakllantirish jarayoni boshlanadi. Qoida bo‘yicha, yakuniy mandat 1 hafta ichida chiqishi lozim.

Mandatdan so‘ng, test sinovlari natijasidan norozi bo‘lgan abituriyentlar apellyatsiya arizalarini yuborishlari mumkin bo‘ladi. Arizalarni yuborish my.uzbmb.uz sayti orqali (abituriyentning shaxsiy kabinetida) onlayn tarzda amalga oshiriladi.

Arizalar 10 kun ichida qabul qilinadi.

Muhim eslatma sifatida, shuni bilish lozimki, abituriyent apellyatsiya shikoyati berishi uchun test sinovida aniq ishtirok etgan va test sinovidan chetlatilmagan bo‘lishi kerak.

• Imtihon
• Oliy ta'lim
• Qabul OTM
• Test to‘lovi