Facebook kompaniyasiga axborot texnologiyalari sohasidagi eng yaxshi ish joyi sifatida qaraladi. Hatto u yerda tajriba muddatini o‘tayotgan kishi ham AQSh fuqorosining o‘rtacha ish haqidan 25,000 dollar ko‘p pul topadi. Bundan tashqari, ijtimoiy tarmoq minglab kompaniyalar kiritilgan eng yaxshi ish beruvchilar reytingida birinchi o‘rinni egallaydi. Ammo bu yerda hammasi shunday yaxshimi, xodimlar o‘zlarini aslida qanday his qilishadi? Tsukerbergda ishlash baxtiga muyassar bo‘lganlarni qanday muammolar qiynashini aniqlashtiruvchi so‘rovda kompaniyaning dasturiy ta'minot muhandislari, sobiq ishlab chiquvchi mutaxassislar va boshqa xodimlar ishtirok etishdi.

Ayon bo‘lishicha, Facebook xodimlarining qo‘rqinchlari va tashvishlari juda ham o‘ziga xos. Hamma bo‘sh vaqtida kirib ko‘ngil yozishni yaxshi ko‘radigan bu ijtimoiy tarmoqda ishlash unchalik ham oson ish emas ekan.

Yiliga olti hafta kun davomidagi navbatchilik

Qo‘llab-quvvatlash agenti sifatida ishlaydigan kishilar kun davomida ishlashlari va doim aloqada bo‘lishlari lozim. Ularning oflayn bo‘lishga aslo haqqi yo‘q. Ko‘pchilik bunday ish sharoitiga chiday olmaydi. Bundan tashqari, vaqtida quvvat olmagan telefon ishdan quvilishga sababchi bo‘lishi mumkin.

O‘z manfaati bilan Facebookdan foydalanish mumkin emas

Ko‘p hollarda insonlar shaxsiy va ish faoliyati o‘rtasida aniq chegara qo‘yib olishadi. Facebookda ishlaydiganlar uchun bu chegara yuvilib ketadi. Bu esa ularning profilida o‘z aksini topadi. Ammo kompaniya korporativ madaniyati xodimlarning individualligini saqlab turish uchun bor kuchi bian harakat qiladi. Bu yerda xodimlar uchun ko‘plab bosh vaqtda qilinadigan ko‘ngilochar ishlar tashkillashtirilgan.

Ko‘pchilik xodimlar jamoaviy ishlashni bilmaydi

Ijtimoiy tarmoqni boshqarish iyerarxiyasi shunday qurilganki, unda jamoaviy topshiriqlar juda kam. Shuning uchun bu yerda yakkalikda erishilgan yutuqlarni jamoanikiga qaraganda ko‘proq uchratasiz. Bu holatga boshqaruv tarkibida ham duch kelasiz. Bu yerda ham individuallik jamoaviylikka qaraganda ustunroq turadi.

Facebook — ishni endi boshlaganga o‘xshab ishlovchi yirik kompaniya

Kompaniyaning sobiq odimlarining so‘ziga ko‘ra, Facebook katta kompaniya bo‘lishiga qaramasdan, u o‘zini go‘yo ishni endi boshlaganga o‘xshaydi. “U deyarli elligiga kirib qolgan, biroq o‘smirlar rolini o‘ynaydigan Adam Sendler kabidir”.

Facebookka doimiy shikoyatlar

Facebook sobiq xodimi turmush o‘rtog‘ining aytishicha, uning eri Facebook kompaniyasida ishlagani uchun ham foydalanuvchilardan ijtimoiy tarmoq faoliyati to‘g‘risida doimiy noroziliklar eshitgan.  

Bu mening eng yomon ish tajribam bo‘ldi

Zimmasiga texnik yordam ko‘rsatish mas'uliyatini olgan mayda pudratchilar bir ovoz bilan mazkur yirik kompaniyaning ularning so‘roqlariga o‘z vaqtida javob bermay, e'tiborsiz muomala qilganini tasdiqlashdi.

Kekkaygan boshqaruv

Sobiq xodimlarning ko‘pi rahbarlarning o‘rta bo‘g‘inga nisbatan noxolis munosabatidan shikoyat qilishdi. Xodimlar ularning munosabatini “kekkaygan va o‘ziga bino qo‘ygan”, deb atashdi.

Siz millionlarni ishlamaysiz va yirik loyihalarni yaratmaysiz

Bu bilan Tsukerbergning o‘zidagi rahbarlik ostidagi bir nechtagina kishilar shug‘ullanadi. Qolganlarga o‘z vaqtida KPIni bajarish qoladi.

Bajarib bo‘lmaydigan vazifalar

Facebookning so‘rovnomada anonim tarzda ishtirok etgan sobiq xodimlaridan biri shunday yozadi: “Jamoa men bilan go‘yo axlat bilan munosabatda bo‘lganday gaplashar edi. Bir kuni menga kirxonaga borib bo‘lim boshlig‘ining kiyimlarini olib kelishday g‘alati bir topshiriq berishdi”.

Qo‘llanmalarning mavjud emasligi

Qo‘llanmalar yo‘q vaziyatdagi bajarib bo‘lmaydigan rejalar.

Facebookda samarali jamoaviy infratuzilma mavjud emas

Xodimlarning aytishicha, ajoyib ishlarni bajarish 4000 kishilik jamoada 500 kishilik jamoaga qaraganda ancha qiyin kechadi. Buning sababi tezkor o‘sish va katta jamoada sifatli aloqaning yo‘qligi.

Katta sovun ko‘pigida ishtirok etishni anglash

Ayni vaqtda 200 milliard dollardan oshiq baholangan Facebook ko‘pchilikning mehnat biografiyasida qayg‘uli sahifalar yaralishiga sabab bo‘lgan. Agar anonim iqrorlarni yig‘adigan bo‘lsak, ular bitta kitob holiga keladi.