Face ID nima ekanini ko‘pchilik yaxshi bilsa kerak? Bu iPhone’ga xos bo‘lgan kod-parol turi hisoblanadi. Parolning bu turi muayyan telefon sohibining yuzini tanigachgina ochiladi.

Yer yuziga tarqalib borayogan koronavirus hech kimni ham chetlab o‘tmadi. Uni deb odamlar kun bo‘yi tibbiy niqobda yurishga majbur bo‘lyapti. Buning oqibatida qurilmaning yuzni tanib olish himoya funksiyasi yuzdagi niqob sabab o‘z egasini tanimayapti. iPhone’dagi Face ID’ni niqob taqilgan yuz bilan qanday ochish mumkin? Bunday yuzli insonni o‘z telefoni ham tanimasa-chi?  

Bu holatda “tishlangan olma”ning hech qanday aybi yo‘q: Face ID yuzning ko‘p qismi berkitilgani sabab uni taniy olmaydi. Ammo bu muammoning ham chorasi bor.
iPhone sizni niqobda ham tanib olishi uchun:
• “Sozlamalar”-“Face ID kod-parol” bo‘limiga kiring.
• “Face ID’ni o‘chirish” (Sbrosit Face ID) tugmasini bosing.
• Shundan so‘ng yana “Face ID sozlamalari” bo‘limiga qayta kirib, niqob taqilgan yuzingizni skaner qilishga harakat qiling. Bunda yuzning yarmi ochiq bo‘lishi kerak.
• Niqob taqilgan yuzingiz bilan ikki marta skanerdan o‘ting.

Yuqoridagi bosqichlarni bajarib bo‘lgach telefoningizdagi Face ID’ni niqob kiygancha ochib ko‘ring. Agar shunda ham iPhone’ingiz sizni tanimasa quyidagi amallarni bajarib ko‘ring.
 
• Yana o‘sha “Face ID kod-parol” bo‘limiga kiring.
• “Alternativ tashqi ko‘rinish” bo‘limini tanlang.
• So‘ng niqob taqib yana skaner qiling.

Shundan keyin yana tekshirib ko‘ring. Agar yuqorida keltirilgan ko‘rsatmalarni bosqichma-bosqich to‘g‘ri bajargan bo‘lsangiz, Face ID sizni, albatta, taniydi.