Yopishqoq chivinlar eng yoqimli ta'tilni ham buzishi tayin. Ushbu mayda qon so‘ruvchilar tabiiy ofatga o‘xshaydi. Ulardan qochib qutilish oson ish emas! Biz esa sizga bu kichik ofatlardan qutilish yo‘llarini aytib o‘tmoqchimiz.

1. Hushbo‘y iforli moylar

Qon so‘ruvchi hasharotlar bilan kurashishda eng maqbul efir moylari quyidagilar hisoblanadi: lavanda, valeriana, evkalipt, yorongul, arpabodiyon, toshcho‘p, yalpiz, choy daraxti, lavr, kedr.

Qo‘llanilish usuli:

• Paxtani shu moylardan birida biroz namlang va “hid tarqatgich”ni deraza oldiga yoki yostig‘ingiz yoniga qo‘ying.

• Efir moyini kremingizga aralashtirib, uni tanangizning ochiq joylariga suring.

2. Xonaki o‘simliklar

Yalpiz, mirt, rozmarin va yorongul kabi xonaki o‘simliklar hasharotlarni o‘zining o‘tkir hidi bilan quvish xususiyatiga ega. Yana bir chivinlarga qarshi o‘tkir xonaki vosita bu pomidor barglari hisoblanadi.

3. Limon bilan chinnigul

Limonni kesib, unga chinnigulni tiqing. Uni kravatingiz oldiga qo‘ying va shu orqali siz derazani ochib uxlashingiz mumkin. Yoqimli ifor va xonada chivinlarning yo‘qligi kafolatlangan!

4. Chivinlar uchun qo‘lbola tuzoq

Bu tuzoq chivinlarni karbonad angidrid gazi yordamida jalb qilish hisobiga ishlaydi. Bu gaz achish jarayonida hosil bo‘ladi. Chivinlar uni hidlab, tuzoqqa tushishadi va u yerdan qaytib chiqib keta olishmaydi.

5. Ignabargli daraxt g‘uddalari va archa

Chivinlar bilan tabiiy kurashishga qorag‘at g‘uddalari va archa novdalari ham yordam beradi. Ularni gulxanga tashlasangiz kifoya, uning hidi hasharotlarni quvadi.

6. Cheremuxa va ryabina

Agar hovlida uxlamoqchi bo‘lsangiz, tanangizning ochiq joylariga ryabina yoki cheremuxa barglarini sursangiz bo‘lgani. Chivinlar sizni aslo bezovta qilmaydi.

7. Piyoz va sarimsoq

Piyoz va sarimsoq chaqishdan keyingi qichishishlardan eng yaxshi vosita, deb tan olingan. Piyozning boshchasi olib tashlanib, ikkiga bo‘linadi va bir bo‘lagi chivin chaqqan joyga qo‘yiladi. Sarimsoqqa kelsak, uning bir bo‘lakchasi ezilib, kam miqdordagi suvga aralashtiriladi. Keyin bir parcha mato o‘sha aralashmada namlanib, jarohat joyiga qo‘yiladi.

8. Osh sodasi

Osh sodasi chivin zahrini davolashda eng oddiy va keng tarqalgan vosita hisoblanadi. 3 osh qoshiq osh sodasini bir qoshiq suv bilan quyuq pasta hosil bo‘lguncha aralashtiring. Pastani jarohat joyiga suring va qurishini kuting.

9. Limon sharbati

Jarohat joyini limon sharbati bilan namlash ham qichishishni kamaytiradi.

10. Qoshiq

Qoshiqni qaynoq suvda qizdiring, so‘ngra uni jarohat joyiga qo‘ying. Qoshiqni bir necha daqiqa davomida teringizga qattiq bosib turing. Siz uni olganingizda qichishish o‘tib ketishi lozim.