Hindistonning poyga avtomobillari ishlab chiqarish bilan shug‘ullanuvchi “JA Motorsport” kompaniyasi “Tata Nano” xetchbekining 230 ot kuchiga ega variantini ishlab chiqdi. Bu haqda “Indianautosblog” xabar bermoqda.

Injyenerlar 624 kub santimetrli 38 ot kuchiga ega standart motor o‘rniga 4 silindrli motor qo‘yishdi. Ularning aytishlaricha, “Tata Nano” tezligini soatiga 190 kilometrga yetkaza oladi. Standart mashinaning tezligi esa soatiga 105 kilometr. 

Bundan tashqari, “Nano” kuzovi aerodinamik xususiyatlarga ega bo‘ldi, xavfsizlik karkasi o‘rnatildi, barcha g‘ildiraklar “AP Racing” tormoz mexanizmlari bilan jihozlandi.  

“Yangilangan” “Nano” yagona nusxada tayyorlandi. U “JA Motorsport” kompaniyasiga 2,5 million rupiy (40 ming dollarga yaqin)ga tushdi.

Manba: motor.ru