Ob-havo, mavsum va yoshga qarab atir tanlashning nozik sirlarini o‘rganamiz. 

Atir rangi va turlari
Atir tanlashda adashmaslik uchun uning rangiga ham e’tibor qaratish kerak:
• sadaf rang – vanil, dolchin va sharqiy iforlar;
• moviy rang – yengil, nordon ifor;
• yashil suvli atirlar – sandal, kedr, mushk;
• qizil – shirin iforlar;
• suvi qizg‘ish bo‘lgan iforlar – vanil va gullarning eng shirin iforlari;
• sariq – mevali va efir moylari;
• oq – oq atirgul, marvaridgul, sitruslarning xushbo‘y hidlari hisoblanadi.

Yoshga qarab qanday tanlash kerak
• 18-25 yoshgacha bo‘lganlarga yengil, sitrus, olcha, qulupnay kabi nozik hidlar yarashadi. O‘tkir hidli atirlar ham tavsiya qilinadi, ular sizni yanada betakror xonimga aylantiradi.

• 26 yoshdan keyin shirin va yoshlarbop atirlarni tark etishga to‘g‘ri keladi. Bu yoshda ko‘roq ta’sirchan atirlarni tanlash tavsiya qilinadi. Obrazni esa dolchin va mushk bilan to‘ldirish mumkin.

• Odatda 40 yoshdan keyin ayollarda “o‘z atiri” paydo bo‘ladi. Ammo hali “o‘z hidingiz”ni topmagan bo‘lsangiz, vanil, sitrus va mevali atirlardan foydalanganingiz ma’qul.

Xarid qilayotganda amal qilish kerak bo‘lgan 5 ta asosiy qoida
• Har xil atirlarning iforlarini ketma-ketlikda sepgan bo‘lsangiz, ulardan birontasini tanlashda qiynalmaslik uchun iforni qo‘lingiz yoki kaftingizga sepganingizni eslab qoling;

• Atirni turiga e’tibor bering: Extrait, Eau de Parfum, Eau de Toilette va boshqalar;

• Sinab ko‘rish uchun atirni hech qanday pardoz vositasi surtilmagan teri qismiga seping;

• Ifor atrofdagilarga qanday ta’sir qilishiga e’tibor bering;

•  Ilk sepishda atir sizga ma’qul bo‘lmasa, undan voz kechishga shoshilmang.