АОКАда ўтказилган брифингда “Маҳалла” хайрия жамоат фонди ахборот хизмати раҳбари Ҳасан Саломов 2022 йилда амалга оширилган ишлар юзасидан маълумот берди.

Қайд этилишича, 2022 йилда жами 16 мингдан зиёд кам таъминланган оилага қарийб 8 миллиард сўм миқдорида моддий ёрдам кўрсатилган.

Жумладан, 1000 нафардан зиёд фуқароларга соғлиғини тиклаш учун салкам 1 миллиард сўм маблағ йўналтирилган бўлса, 87 нафар фуқарога ногиронлик аравачаси, 14 кишига эса ортопедик мосламалар олиб берилган. Шунингдек, 26 нафар ватандошимизнинг мураккаб жарроҳлик амалиётини ўтказишлари учун малбағ ажратилди.

Ўтган йилда аҳоли бандлигини таъминлашга ҳам алоҳида эътибор қаратилиб, 562 нафар инсонга тикув машиналари, 153 нафарига эса маиший техника воситалари олиб берилган.

Шунингдек, фонд маблағлари ҳисобидан йўналтирилган 4 миллиард 200 миллион сўм маблағдан 2700 фуқарога кийим-кечак, 7000 дан зиёд аҳолига озиқ-овқат, 1000 нафар кишига хўжалик моллари ҳамда 2000 га яқин оилага нақд пул кўринишидаги моддий ёрдамлар тарқатилган.

“Ҳар бир маҳаллага китоб” лойиҳаси асосида бугунги кунгача 5000 мингдан зиёд маҳаллага 3 миллиард сўмлик китоблар тарқатилди. Шунингдек, ўтган йилда 274 та маҳаллага мебель жиҳозлари, 330 маҳаллага эса компьютер жамланмалари тарқатилган. Бунинг учун фонд маблағлари ҳисобидан 3 миллиард 200 миллион сўм маблағ йўналтирилган. Бундан ташқари, ўтган йилда 3000 га яқин маҳалла идоралари ходимларига 9 миллиард сўм бир марталик моддий ёрдамлар ажратилган.

• АОКА
• Китоб
• Маҳалла