“Politico” нашрининг хабар беришича, Янги Каледония келажаги ҳақида баҳслашаётган сиёсий ҳаракатлар шанба куни эрталаб янги давлат яратиш тўғрисида расман эълон қилди.

Аммо қайд этилишича, давлат тўлалигича мустақил бўлмайди. Яъни амалда Франциянинг ҳудуди ҳисобланган бу ер автономия мақомида бўлади.

Шунингдек, келишувга кўра Янги Каледония аҳолисига янгидан фуқаролик тақдим этилади. Мамлакат ташқи сиёсатда ҳам ўзининг маълум бир ҳақ-ҳуқуқларини қўлга киритади.

Энди мазкур битим ва давлатнинг қисман мустақиллигини расман эълон қилиш учун Янги Каледонияда референдум бўлиб ўтиши ва Франция парламентида жараён юзасидан овоз бериш ўтказилиши керак бўлади.

• Fransiya
• Конституция
• Okean
• Referendum\