Ўзбекистон, Афғонистон ва Покистон ўртасида транспорт-логистика соҳасидаги ҳамкорликни ривожлантириш масалалари муҳокама қилинди

Ўзбекистон Республикаси Президентининг 27.01.2025 йилдаги “Ўзбекистон Республикасининг транспорт-логистика тизимини яна-да ривожлантириш чора-тадбирлари тўғрисида”ги ПҚ-28-сон қарори ижросини таъминлаш, хусусан, “Ўзбекистон – Афғонистон – Покистон” йўналишида юк ташишлар ҳажмини ошириш учун қулай шарт-шароитлар яратиш мақсадида Транспорт муаммоларини ўрганиш маркази ташаббуси билан Афғонистон ва Покистон транспорт идоралари иштирокида онлайн учрашув ўтказилди.

Учрашувда томонлар “Ўзбекистон – Афғонистон – Покистон” йўналишини ривожлантиришга қаратилган Қўшма ҳаракатлар режаси лойиҳасини муҳокама қилдилар.

Мазкур лойиҳа йўналиш бўйлаб юк ташишлар учун қулай шарт-шароитлар яратиш, мавжуд тўсиқларни бартараф этишга қаратилган амалий чора-тадбирларни ўз ичига олади.

Учрашув якунида томонлар Ҳаракатлар режаси лойиҳасини якуний таҳрирга келтириб, имзолаш учун давлат ички процедураларини бошлашга келишиб олдилар.

• Афғонистон
• Покистон
• Темир йўл
• Transport vazirligi