Бирлашган Миллатлар Ташкилоти Бош котиби Антониу Гутерриш янги йил олдидан нутқ сўзлаб, унда 2023 йилда ҳамма жойда тинчликка эришиш зарурлигини таъкидлади.
Унинг таъкидлашича, Янги йилнинг кириб келиши ҳар сафар қайта туғилиш лаҳзаси ва "эски йилнинг кулини тозалаш" ва "янги ёрқин кун"га тайёргарлик кўриш учун идеал вақтдир.
“Якунига етиб бораётган 2022 йил жуда оғир йил бўлди. Украина, Афғонистон, Конго Демократик Республикаси ва бошқа жойларда одамлар ўз уйларининг харобаларини ташлаб, эски ҳаётларини бутунлай ўзгартириб, яхшироқ нарсани излашди. 2023 йилда биз ҳар қачонгидан ҳам кўпроқ зарур бўлган тинчликка эришишимиз керак”, — деди Гутерриш.
Унинг сўзларига кўра, дунё бўйлаб урушлар, ўрмон ёнғинлари, қурғоқчилик, қашшоқлик ва очликдан қочиб, юз миллионга яқин одам ўз уйини ташлаб кетган. Бош котибнинг қўшимча қилишича, бугун биз бир-биримиз билан мулоқот орқали тинчлик ўрнатишимиз керак, бу эса можароларга чек қўяди. БМТ раҳбари, шунингдек, янада барқарор келажак учун табиат билан тинчлик тарафдори эканлигини айтди. У аёллар ва қизлар муносиб ва хавфсиз яшаши мумкин бўлган хонадонларда тинчлик бўлиши зарурлигини эслатди.
Шу билан бирга, Гутерриш диндорлар ҳурмат қиладиган жойларда тинчлик ва бошқа одамларнинг эътиқодларини ўзаро ҳурмат қилишга, шунингдек, интернетда нафрат сўзлари ва ҳақоратлардан холи дунёга чақирди.
“2023 йилда инсоният тинчликка эришишни ўз сўзи ва ҳаракатларининг асосий маъносига айлантириши керак. 2023 йилни ҳаётимизда, хонадонларимизда ва сайёрамизда тинчлик ўрнатиш йилига айлантириш учун биргаликда ҳаракат қилайлик”, — дея хулоса қилди БМТ Бош котиби.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!