2024 йил бошидан буён 17 та давлатда 54 нафар журналист ўз хизмат вазифаларини бажариш чоғида ҳалок бўлган. Бу ҳақда “Чегара билмас мухбирлар” (РСФ) журналистларга нисбатан зўравонлик ҳақидаги ҳисоботида ёзган.

Таъкидланишича, 54 нафар журналистдан 31 нафари можаро зоналарида ҳалок бўлган. Ўтган йили журналистлар учун энг хавфли ҳудуд Ғазо бўлиб, у ерда 16 журналист ҳалок бўлган.

Йил давомида қамоққа олинган журналистлар сони 7,2 фоизга ошиб, 550 нафарга етган. Жумладан, Хитойда 124 нафар журналист панжара ортида. Мянмада 61, Исроилда 41, Беларусда 40, Россияда 38 ва Ветнамда 38 нафар журналист қамоқ жазосига ҳукм қилинган.

Сўнгги бир йил ичида бедарак йўқолган деб топилган журналистлар сони 4 нафарга кўпайди ва ҳозирда уларнинг сони 95 нафарга етди, уларнинг аксарияти йиллар давомида Мексикада ғойиб бўлди.

• Уруш
• jurnalist