Охирги 4 йил ичида Ўзбекистонда генерация қувватларини ошириш мақсадида халқаро компаниялар билан умумий қиймати 10 миллиард 148 миллион долларга тенг, умумий қуввати 11 954 МВт бўлган 25 та электр энергиясини сотиб олиш шартномалари ва инвестиция битимлари имзоланган.

Мазкур битимларга кўра, 2026 йил якунига қадар Ўзбекистонда умумий қуввати 11 954 МВт бўлган 25 та электр станцияси (9 та иссиқлик, 9 та қуёш ва 7 та шамол электр станция) ишга туширилади.

Қайд этилишича, бу Ўзбекистонда амалдаги электр энергиясини ишлаб чиқариш ҳажмларининг 60 фоиздан ортиғини ташкил қилади.

• Elektr stansiya
• Энергетика_вазирлиги