Бу ҳақда “Севимли” телеканалининг “Замон” информацион дастурида маълум қилинди.

Самарқанд вилоятининг Каттақўрғон тумани, “Қўштепа” МФЙда жойлашган автомобилларга ёқилғи қуйиш шохобчасида портлаш ва ёнғин 7 май куни содир бўлганди. Ҳодиса  АЙҚШнинг ҳовлисида “ЗИЛ” автомашинасига ёқилғи қуйиш вақтида юз берган. Оқибатда 2 нафар фуқаро ҳалок бўлган, яна бир киши тан жароҳати билан тиббиёт бирлашмасига ётқизилган эди.

Информацион дастурда хабар қилинишича, шифохонага ётқизилган шахс 9 май куни вафот этган. Вафот этган уч киши шохобча раҳбари, оператор ва “ЗИЛ” ҳайдовчиси бўлган.

Самарқанд вилояти ИИБ матбуот котиби Ҳамидулло Сагдуллаевнинг маълум қилишича, ҳолат юзасидан Жиноят кодексининг 259-моддаси (ёнғин хавфсизлиги қоидаларини бузиш) иккинчи қисми билан жиноят иши қўзғатилган бўлиб, дастлабки тергов ҳаракатлари олиб борилмоқда.

• Газ
• Gaz shaxobchasi
• Самарқанд
• portlash