Украина раҳбари Россиянинг Украина билан тўғридан-тўғри музокаралар ўтказиш таклифига жавоб берди.

Путиннинг Истанбулда музокаралар ўтказиш таклифи бўйича баёнотидаги асосий фикрлар:

– Киев Россиянинг Ғалаба юбилейи муносабати билан ўт очишни тўхтатиш таклифига умуман жавоб бермади.

– Уч кунлик сулҳ давомида Киев Россия чегарасига ҳужум қилишга 5 марта уринди, бу ҳужумларнинг барчаси қайтарилди, Украина қўшинлари катта йўқотишларга учради.

– Буларнинг барчасига қарамай, Россия Киевга олдиндан ҳеч қандай шартларсиз тўғридан-тўғри музокараларни давом эттиришни таклиф қилмоқда.

– Москва ушбу музокараларни 15 май куни Истанбулда ўтказишни таклиф қилмоқда.

– Россия Украина билан жиддий музокараларга тайёр, гап можаронинг асл сабабларини бартараф этишда.

– Москва барча хорижий давлат раҳбарларидан Украина можаросига барҳам бериш бўйича саъй-ҳаракатлари учун миннатдор.

– Россия музокаралар орқали Украинада узоқ муддатли тинчликка эришишга интилади.

Агар Россия эртадан ўт очишни тўхтатишни тасдиқласа, Киев музокараларга тайёрлигини айтди.

“Биз эртага тўлиқ ва узоқ муддатли ўт очишни тўхтатишни кутмоқдамиз, бу дипломатияга зарур асос бўлади. Қотилликни чўзишдан маъно йўқ. Владимир Путинни пайшанба куни Туркияда кутаман. Шахсан. Умид қиламанки, россияликлар бу сафар баҳона изламайди”, – деб ёзди Украина президенти ўзининг Telegram каналида.

• Музокара
• Путин
• Зеленский