Американинг NASA космик агентлиги раҳбари Билль Нелсон 2040 йилгача Марсга одам қўниши мумкинлигини айтди.

Бироқ миссия ушбу сайёрага қўнган тақдирда ҳам, сайёраларнинг жойлашуви Ерга қайтишга қулай бўлиши учун бир неча йил кутишга тўғри келади, деб фикр билдирган NASA раҳбари.

«2040 йил келишига атиги 17 йил қолди. Ойга етиб бориш учун уч-тўрт кун керак бўлади, бироқ Марс анча узоқда”, – деган у ўз интервьюсида. Унинг сўзларига кўра, Марсга етиб бориш учун етти-саккиз йил керак бўлади.

“Бундай ҳолатда, сайёраларнинг жойлашуви ортга қайтишга имкон бермагунча бир неча йил Марсда қолишга тўғри келади”, деб тушунтирди NASA раҳбари.

Аввалроқ Билль Нелсон космик кеманинг Марс атмосферасига кириб боришини секинлаштириши ва унинг хавфсиз қўнишига ёрдам берадиган пуфланадиган иссиқлик қалқони устида иш бошланганини маълум қилганди. Ҳозирда NASA Perseverance роботи Марс юзасидаги маълумотларни йиғиб, Ерга узатмоқда.

Шунингдек, Марс билан боғлиқ тадқиқотларни Хитойнинг “Чжужун” роботи ҳам олиб бормоқда. 2022 йил сентябрь ойида “Тянвен-1” станцияси Марсда сув изларини топганди. Ўша йилнинг январь ойида Хитой Марснинг орбитал зонддан олинган фотосуратларини нашр этди.

• Mars
• НАСА