Нодирбек ярим финалда Левон Аронян билан куч синашиб, 3 та партиядаёқ ўйин тақдирини ҳал қилган ва 2,5:0,5 ҳисобида ишончли ғалабага эришган. У 2 марта оқларда ўйнаб ғалаба қозонган, битта партияда қораларда дуранг қайд этган. Шу сабабли охирги 4-партияга ҳожат ҳам қолмаган.

Иккинчи ярим финалда Магнус Карлсен 2,5:1,5 ҳисобида Фабиано Каруанони мағлуб этган. Демак, финалда Нодирбек Абдусатторов Магнус Карлсенга қарши дона суради.

Мусобақа регламентига кўра, финал баҳсидан кейин яна Гранд финал ҳам бўлади. Бунда финалда мағлуб бўлган шахматчи ҳамда бошқа мағлуб бўлганлар ўзаро саралаш баҳсида қатнашади.

Маълумот учун: The Aimchess Rapid-2023 турнири Чемпионлар тури доирасига кирувчи 4-йирик турнир бўлиб, унда турли дивизионда 56 шахматчи қатнашмоқда. Биринчи дивизионда 8 та гроссмейстер бор. Турнир ғолибига қимматли рейтинг очколари билан бирга 30 минг АҚШ доллари мукофот тарзда берилади.

• Магнус Карлсен
• Nodirbek Abdusattorov
• Шахмат