Янги йил байрами тадбирларига тайёргарлик кўриш ва уни юқори савияда ўтказиш, шунингдек,  байрам тадбирлари вақтида аҳоли хавфсизлигини таъминлаш ҳамда жамоат тартибини сақлаш мақсадида пойтахтнинг қуйидаги ҳудудларида транспорт воситалари учун ҳаракат чекловлари ўрнатилади. Бу ҳақда Тошкент шаҳар ҳокимлиги матбуот хизмати хабар берди.

2025-йилнинг 15-декабридан 2026-йилнинг 15-январигача Ўзбекистон Миллий кутубхонаси олд майдонида:

— Зарафшон кўчасининг “Hyatt  Regency Tashkent” меҳмонхонаси қўриқлаш пункти ва Матбуотчилар кўчалари оралиғидаги қисми;

— Истиқлол кўчасининг А.Темур шоҳ ва Буюк Турон кўчалари оралиғидаги қисми;

— Буюк Турон кўчасининг Истиқлол кўчаси кесишмасидан Ёшлар ижод саройигача.

2025-йил 17-декабрдан 2026-йил 5-январгача Тарас Шевченко гастрономик-туризм кўчасида:

— Тарас Шевченко кўчасининг Фидокор кўчаси кесишмасидан Нукус кўчаси кесишмасигача,

— Саййид Барака кўчасининг Ойбек кўчаси кесишмасидан Амир Темур шоҳ кўчасигача.

“Ноқулайликлар учун узр сўраймиз ва ҳайдовчиларга ўз йўналишларини ушбу ўзгаришларни инобатга олган ҳолда режалаштиришни тавсия этамиз”, – дейилади хабарда.

• Ҳокимлик
• Тошкент
• cheklov
• tadbir