Россия Федерациясида ишлаш жараёнида мураккаб молиявий аҳволга тушиб қолган, турар жойсиз қолган, тазйиқ ёки зўравонликка учраган, шунингдек, мажбурий меҳнат қурбони бўлган Ўзбекистон фуқароларига моддий ва ижтимоий ёрдам кўрсатилади.

Миграция агентлигининг Россиядаги ваколатхонаси Москва шаҳри ва Москва вилоятидаги 15 га яқин ҳостел ҳамда суткалик меҳмонхоналар билан ҳамкорлик шартномаларини имзолади.

Турар жойсиз қолган ва мураккаб молиявий аҳволда бўлган фуқаролар Москва шаҳри, 1-Казачий тор кўчаси, 11/2-уй (Полианка метро бекати) манзилида жойлашган ваколатхонага мурожаат қилиши мумкин. Вазият ўрганилгач, уларга 30 кунгача бепул ётоқ жой ажратиш имконияти яратилади.

Ҳозирда Шимоли-ғарбий, Урал, Сибир, Узоқ Шарқ ва Жанубий федерал округларда ҳам ҳостел ва меҳмонхоналар билан шартнома тузиш ишлари олиб борилмоқда.

Мазкур ёрдам чоралари Вазирлар Маҳкамасининг 252-сонли қарорига асосланади.

• Россия
• Yotoqxona
• migrant