2024 йил ҳолатига кўра, Афғонистон аҳолиси 34,9 миллион кишини ташкил этади, улардан 51 фоизи эркаклар ва 49 фоизи аёллардир. Бу ҳақда Афғонистон Миллий статистика ва ахборот бошқармаси (NSIA) вакили Муҳаммад Ҳалим Рафи маълум қилди.
NSIA мамлакат ҳукуматига 2025 йилда аҳолини илмий ва комплекс рўйхатга олиш режасини тақдим этди. Бунинг учун бизга халқаро ташкилотларнинг бевосита ва молиявий кўмаги керак, деди Рофий.
2021 йилда БМТ Аҳолишунослик жамғармаси маълумотларига кўра, мамлакатдаги афғонлар сони 39,8 миллион кишини ташкил қилган. Шундай қилиб, уч йил ичида аҳоли деярли 5 миллионга камайди. NSIA, шунингдек, ташқи савдо маълумотларини ҳам эълон қилган.
Афғонистон феврал ойида 134 миллион доллардан ортиқ маҳсулот экспорт қилган. Унинг асосий қисми Покистон, Ҳиндистон ва Бирлашган Араб Амирликларига жўнатилган. Экспорт ҳажми ўтган ойга нисбатан 42,6 миллион долларга ошган. Февраль ойида мамлакат импорти 793,5 миллион долларни ташкил этган, товарлар асосан Эрон, Хитой ва Покистондан келтирилган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!