Ижтимоий тармоқларда Афғонистоннинг амалдаги ҳукумати "Толибон" ҳаракати мамлакатнинг Балх вилоятида ўрнатилган Алишер Навоий ёдгорлигини бузиб ташлагани тўғрисида хабарлар тарқалди.
Ўзбекистон Ташқи ишлар вазирлиги ушбу масала юзасидан Афғонистон ҳукумати вакиллари билан боғланди.
"Толибон" вакиллари бу номаълум шахсларнинг ўзбошимчалик ва ўйламасдан қилган ҳаракати натижаси эканлигини маълум қилишган.
“Ушбу вандализм ҳолати қардош Ўзбекистон билан кўп асрлик дўстона муносабатларни мустаҳкамлаш тарафдори бўлган ҳукумат расмий сиёсатини акс эттирмайди, номаълум шахсларнинг ўзбошимчалик ва ўйламасдан қилган ҳаракати натижаси бўлиб, умумий тарихий ва маданий меросимизга зарар етказади”, - дея таъкидлаган Афғонистон ҳукумати вакиллари.
Шу билан бирга, "Толибон" вакиллари ёдгорликларни тиклаш ва умумий меросимизга ҳурмат билан муносабатда бўлиш чораларини кўришини маълум қилган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!