Россиялик тадбиркор Алишер Усмонов “Russia Creative Awards-2022” танловида “Йил ҳомийси” мукофотини олди.

Маросимнинг ҳакамлар ҳайъати россиялик тадбиркорнинг фан, таълим, маданият ва спортни ривожлантиришга, шунингдек, рус тилини тарғиб қилиш ва сақлашга қўшган ҳиссасини қайд этди.

Мукофот учун тақдимномада 2006 йилда у “Санъат, фан ва спорт” хайрия жамғармасини ташкил этгани, унинг мақсади ушбу соҳалардаги ташаббусларни қўллаб-қувватлаш, шунингдек, чет элда Россия ижодий индустриясининг обрўсини мустаҳкамлаш эканлиги таъкидланган.

Номинацияда мукофотни топширган режиссёр Андрей Кончаловский Усмоновнинг ватани Ўзбекистонда рус тилини доимий асосда ўқитишни ташкил этган лойиҳаларидан бири муҳимлигини таъкидлади.

Бироқ, Алишер Усмоновнинг ўзи ҳам мукофотда иштирок эта олмаган, мукофотни “Санъат, фан, спорт” жамғармаси директори Фотима Мухомеджон олган.

• АҚШ
• Алишер Усмонов
• Россия