Reuters нашри хабар беришича, Германиянинг Франкфурт прокуратураси миллиардер Алишер Усмоновга нисбатан пул ювиш бўйича терговни тўхтатган.

Усмоновнинг адвокатларининг таъкидлашича, икки ярим йилдан кўпроқ вақт ўтиб, тергов унга қўйилган асосий айбловларни, жумладан, пул ювиш айбларини исботлай олмаган.

Маълумотларига кўра, умумий бойлиги 14,4 миллиард долларга тенг бўлган Усмонов бойлигини тоғ-конь саноати, саноат, телекоммуникация ва ОАВда орттирган.

Эслатиб ўтамиз, 2022 йилда Германия расмийлари Алишер Усмоновни нафақат пул ювишда, балки санкцияларни бузганликда ва солиқ тўлашдан бўйин товлаганликда ҳам гумон қилган. Унга нисбатан қатор тинтувлар ўтказилиб, 5 миллион евролик ҳужжатлар ва 30 та расм мусодара қилинган.

• Алишер Усмонов