Американинг “Amazon” компанияси дунёнинг энг қиммат брендлари рейтингида ўтган йилги етакчи – “Apple”ни ортда қолдириб, биринчи ўринни эгаллади. Бу ҳақда Британиянинг “Brand Finance” консалтинг компаниясининг чоршанба куни чоп этилган тадқиқотида маълум қилинди.

“2022 йилда “Amazon”нинг бренд қиймати 15 фоизга, яъни 350,3 миллиард доллардан 299,3 миллиард долларга тушиб кетганига қарамай, яна етакчиликни қўлга киритди”, — дейилади ҳужжатда. Аниқлик киритилишича, “бренд кучи” кўрсаткичи қийматининг пасайиши 41,2 миллиард долларни ташкил этган, корпорация бренди “ташқи омилларнинг ўзгариши” туфайли яна 13,7 миллиард доллар йўқотган, бироқ компаниянинг тижорат кўрсаткичи ижобий бўлиб чиққан ва 3,9 млрд долларлик соф фойда йўқотишларни бироз қоплаган

“Умуман олганда, “Amazon” рейтингининг “ААА+”дан “ААА”га ёмонлашиши ва ушбу бренд қийматининг пасайиши коронавирусдан кейинги даврда истеъмолчилар Американинг “Brand Finance” компаниясининг мижозларга хизмат кўрсатишини янада танқидий баҳолай бошлагани билан боғлиқ”, – дейди мутахассислар.

Бундан ташқари, компания буюртма қилинган маҳсулотларни етказиб бериш муддатини оширган. Хабарда қайд этилишича, бу чакана сотувчи мижозларнинг ўз хизматларини бошқа одамларга тавсия этиш истагининг пасайишига олиб келган. Қўшимчасига, дунёда коронавирус чекловларининг олиб ташланиши офлайн харидларнинг машҳурлигини тиклашга олиб келган, бу ҳам Амазон хизматларига талабнинг бироз пасайишига олиб келди.

“Brand Finance” таҳлилчилари, шунингдек, “iPhone” серияли смартфонлари ва iOS операцион тизимида ишловчи бошқа қурилмалари билан машҳур бўлган ўтган йилги етакчи “Apple” компаниясининг бренд қиймати ҳисобот даврида 16 фоизга, яъни 355,1 дан 297,6 миллиард долларга камайганига ҳам аниқлик киритган. Америка корпорацияси рейтингда фақат иккинчи ўринни эгаллай олди. Бунга компаниянинг етказиб бериш занжири узилиши ва меҳнат бозоридаги тақчиллик билан боғлиқ прогноз қилинган даромадининг камайиши сабаб бўлди, бу британиялик экспертларнинг фикрича, “Apple”нинг асосий аппарат маҳсулотларини чиқариш имкониятини чеклайди.

Кучли бешликнинг қолган етакчилари “Google” (281,4 миллиард доллар), тўртинчи ўрин “Microsoft” (191,6 миллиард доллар), бешинчи ўринда “Walmart” (113,8 миллиард доллар), бу компанияларнинг барчаси рейтингда ўз ўрнида қолди. Умуман олганда, “Twitter” вa “Snapchat” рўйхатдан чиқарилгандан сўнг “Brand Finance Global 500” рўйхатида мавжуд технологик компаниялар сони 50 тадан 48 тага камайди.

“Brand Finance” методологиясига кўра, “бренд кучи” маркетинг, ўз капитали ва бизнес самарадорлигига инвестицияларни баҳолашни ўз ичига олган мувозанатли кўрсаткичлар картаси ёрдамида ҳисобланади.

• Amazon
• Apple
• Бренд
• Google