Бугун, 6 декабрь куни Ўзбекистонда зилзила содир бўлди. Бу ҳақда Сейсмопрогностик мониторинг маркази хабар берди.

Зилзила тонгги соат 02:14 да содир бўлган. Эпимарказ ҳудудида тебраниш кучи 5 балл, зилзила магнитудаси 4,5, чуқурлиги эса 17 км.ни ташкил этган. Зилзила эпимаркази Наманган вилояти Поп тумани ҳудудида жойлашган бўлиб, у Тошкентдан 135 км жанубий-шарқда жойлашган. Координаталари: 40,89 даража шимолий кенглик, 70,75 даража шарқий узунлик.

Ўзбекистон ҳудудларида сезилиш кучи қуйидагича қайд этилган:

Наманган вилоятида — 3 балл (77 км);

Фарғона вилоятида — 2–3 балл (104 км);

Андижон вилоятида — 2 балл (129 км);

Тошкент шаҳрида — 2 балл (135 км);

Сирдарё вилоятида — 2 балл (173 км).

• Наманган
• Ўзбекистон
• Зилзила