Андижон вилояти ҳокими Шуҳрат Абдураҳмонов Баҳодирлар ўйинларининг Осиё федерацияси президенти этиб сайланди. Бу ҳақда вилоят ҳокимининг матбуот хизмати хабар берди.

Хонобод шаҳрида ташкил этилган “Этно стронгман гамес” (Баҳодирлар ўйини) бўйича жаҳон кубоги ва тош кўтаришда жаҳон чемпионати доирасида Осиё Баҳодирлар ўйинлари ва тош кўтариш федерациясининг таъсис конференцияси ўтказилди.

Бунгача Осиё минтақасида спортнинг мазкур йўналиши бўйича федерация мавжуд бўлмай келган. Осиёнинг қатор давлатларидаги ушбу спорт йўналиши вакиллари ва спортчилар иштирок этган таъсис конференциясида Андижон вилояти ҳокими Шуҳратбек Абдураҳмонов Осиё Баҳодирлар ўйинлари ва тош кўтариш федерациясининг президенти этиб сайланди.

• Андижон
• Ўзбекистон