Бош прокуратура ҳузуридаги Департаментнинг Бўстон тумани бўлими томонидан ўтказилган терговга қадар текширувда “С.А.” МЧЖ раҳбари С.Х. ва бошқалар ўзаро тил бириктириб, “Маориф” МФЙ ҳудудидаги савдо дўконида қўлбола усулда алкоголь маҳсулотлари тайёрлаб сотувга қўйганликлари аниқланиб, ушбу дўкондан 129 турдаги жами 1 379 дона истеъмолга яроқсиз алкоголь маҳсулотлари ашёвий далил сифатида олинган.

Бу ҳақда Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти ахборот хизмати хабар берди.

“Мазкур ҳолат юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда”, – дейилади хабарда.

• Aлкогол
• Андижон
• Departament
• qalbaki