Андижон вилояти Қўрғонтепа туманида яшовчи фуқаро М.А. алимент пуллари ўрнига фарзандларига уй совға қилди.
Вилоят МИБ матбуот хизматининг маълум қилишича, Фуқаролик ишлари бўйича Қўрғонтепа туманлараро судининг 2020 йил 5 ноябрдаги ижро ҳужжатига асосан қарздор М.А.дан ундирувчи А.Ш. фойдасига икки нафар вояга етмаган фарзандларининг моддий таъминоти учун алимент ундириш белгиланган.
Бюронинг Қўрғонтепа туман бўлими томонидан мазкур ижро ҳужжати бўйича қарздор М.А.дан алимент тўловлари ўз вақтида ундириб келинган.
М.А.нинг алимент тўловларидан қарзи мавжуд бўлмаса-да, ундирувчи А.Ш. билан келишган ҳолда икки нафар фарзандларининг келажаги учун улар вояга етгунга қадар тўланадиган алимент пуллари ўрнига ўзига тегишли бўлган хонадонни ундирувчига топширишини маълум қилди.
Шу тариқа, собиқ турмуш ўртоқлар ўртасида келишув битими имзоланиб, қарздор ундирувчига 15 000 АҚШ доллари қийматидаги уй-жойни расмийлаштириб берди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!