АҚШ Мудофаа вазирлиги матбуот котиби генерал-майор Патрик Райдернинг маълум қилишича, Пентагон Ливанда “Ҳизбуллоҳ” аъзолари томонидан фойдаланиладиган пейжерларнинг оммавий портлашига алоқадор эмас.
“Мен билишимча, Қўшма Штатларнинг бунга алоқаси йўқ. Такрор айтаман, биз бу масалани кузатиб борамиз”, – дейди Райдер.
У портлашдан кейин АҚШнинг минтақадаги ҳарбий позицияси ўзгармаганини таъкидлаган.
Райдер, шунингдек, Давлат котиби Блинкен таранглик кенгроқ минтақавий можарога айланмаслигига “эътибор қаратганини” ва улар дипломатия Исроил ва “Ҳизбуллоҳ” ўртасидаги давом этаётган можарони камайтиришнинг энг яхши йўли эканлигига ишонишларини айтди.
Эслатиб ўтамиз, 17 сентябрь куни Ливаннинг турли ҳудудларида “Ҳизбуллоҳ” аъзоларининг пейжерлари портлаганди. Ҳодиса оқибатида 2,8 мингга яқин одам жароҳат олган, 12 киши эса ҳалок бўлганди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!