Бред Питт 2016 йилда шахсий самолётда юз берган жанжал пайтида ўз фарзандларидан бирини бўғиб, бошқасининг юзига мушт урган ва турмуш ўртоғини жароҳатлаган. Бундай тафсилотлар Анжелина Жоли томонидан берилган арз даъвода тасвирланган .

“Болалар жасорат билан бир-бирларини ҳимоя қилишга ҳаракат қилишди. Питт улардан бирини бўғиб, иккинчисининг юзига мушт туширган. Болалар Питтдан тўхташни илтимос қилишди. Уларнинг ҳаммаси қўрқиб кетишган эди. Кўпчилики йиғлаётган эди ”, - дейди Жоли.

Эслатиб ўтамиз, 2016 йил сентябрида Питт ушбу ҳодиса юзасидан болаларга зўравонлик айблови билан тергов остида эди. Бироқ, расмийлар актёрга нисбатан жиноий иш қўзғатмади.

Жолининг адвокатлари эса янги қарши даъвода Питтни федерал жиноятда айблаш учун барча асослар борлигини таъкидламоқда.

• Шоу-бизнес
• қизиқарли