Unian нашрининг маълум қилишича, жосуслик дастури аллақачон 100 дан ортиқ мамлакатда аниқланган.

Фирибгарлар хабарлар, микрофон ва iPhone камерасига эгаси билмаган ҳолда яширинча киришлари мумкин.

Агар расмий огоҳлантириш олинган бўлса, компания iOS 18.4.1 версиясига зудлик билан янгилашни ва Локдаун режимини ёқишни маслаҳат беради.

Lockdown Mode — бу iPhone’ни илғор хакерлик ҳужумларидан ҳимоя қилишнинг махсус режими бўлиб, функцияларга киришни чеклайди ва маълумотлар хавфсизлигини оширади.

Apple хабар матнида таъкидлашича, NSO Group компаниясининг Pegasus ҳужумлари сингари жосуслик дастурлари ҳужумлари жуда кам учрайди ва оддий кибержиноятчилар фаолияти ёки анъанавий зарарли дастурларга қараганда анча мураккаб ҳисобланади.

Бу ҳужумлар миллионлаб долларга тушади ва жуда оз сонли шахсларга қарши алоҳида тарзда амалга оширилади, бироқ улардан фойдаланиш доимий бўлиб, бутун дунёни қамраб олган.

Бундай хабарга дуч келган яна бир таниқли шахс италиялик журналист Чиро Пеллегрино бўлиб, у Apple’нинг бутун дунё бўйлаб шундай ҳужумлар қурбонлари ҳақида хабар берганини тасдиқлади.

Apple хабарнома олган барча фойдаланувчиларга микродастур версиясини янгилашни ва имкон қадар тезроқ ўз iPhone’ларида тармоқ функцияларининг катта қисмини ўчириб қўядиган блокировка режимини ёқишни таклиф қилади. У сиёсатчилар ва фуқаролик фаолларига киберҳужумларнинг олдини олиш учун махсус яратилган.

• Киберхавфсизлик
• Ogohlantirish
• Telefon
• iPhone