Трампнинг Ғазо сектори масаласида берган баёнотига кўпчилик давлатлар салбий муносабат билдирди.

Хусусан, Германия, Туркия, Хитой, Россия ва Араб давлатлари Трампнинг режасини қоралаган.

АҚШнинг ўзида ҳам Трампнинг таклифига реакция икки хил бўлди: демократлар бу таклифни қаттиқ танқид қилган бўлса, республикачилар эҳтиёткорона муносабат билдириб, араб давлатларидаги иттифоқчиларининг муносабатини кутишга чақиришган.

Шунингдек, демократ Эл Грин Ғазо ҳақидаги фикрлари учун Трампга импичмент эълон қилишга чақирган:

“Президентга нисбатан импичмент ҳаракати бошланди. Мен президентнинг таклиф этилган ва содир этилган тубан хатти-ҳаракатлари учун унга қарши импичмент тақдим этишимни эълон қилиш учун ўрнимдан турмоқдаман”, – деган у конгресс палатаси мажлисида.

Иордания фаластинлик қочқинларни қабул қилишдан қатъиян бош тортган, Саудия Арабистони эса “фаластинликларни ўз юртларидан ҳайдаб чиқаришга қаратилган ҳар қандай уринишларга қарши” эканини эълон қилди.

• АҚШ
• G‘azo
• Трамп