Туркия Ташқи ишлар вазирлиги АҚШ Давлат департаменти ҳисоботидаги республиканинг болалар савдоси ва уларни қуролли можароларда қатнашиш учун ёллаш ҳолатларига алоқадорлиги ҳақидаги даъволарни қатъиян рад этди. Бу ҳақда Туркия ташқи ишлар вазирлиги баёнотида айтилади.

“Туркиянинг одам савдосининг олдини олиш борасидаги муҳим саъй-ҳаракатлари эътибордан четда қолиб, АҚШ Давлат департаментининг 2023 йилги одам савдоси ҳисоботида болалар аскар ёллаган давлатлар рўйхатига киритилганидан афсусда. Мамлакатимиз болалар ҳуқуқларини ҳимоя қилиш бўйича барча халқаро шартномаларга, жумладан, БМТ доирасида ҳам аъзо бўлиб, уларни қатъий амалга оширмоқда”, – дейилади департамент хабарида.

Туркия Ташқи ишлар вазирлиги Анқара ва Вашингтон ўртасидаги ҳамкорлик руҳига ҳеч қандай яхшилик олиб келмайдиган бу туҳматга муносиб жавоб беришга ваъда берди.

“Қўшма Штатлар Сурия ва Ироқдаги террор ҳужумларида ёш болаларни жалб қилаётган ПКК/ЙПГ террор ташкилотига (Туркияда тақиқланган Курд Ишчи партияси) ҳарбий ва молиявий ёрдам кўрсатмоқда. Шундай экан, бу борада АҚШ расмийларининг ўз хулосаларига асосланадиган ушбу маълумот манбаларининг холислиги борасида жиддий саволларимиз бор. АҚШ Туркияга туҳмат қилишдан олдин бу ҳақиқатни кўриши керак. “Бундай туҳматга муносиб жавоб берилади”, – деб ёзган Туркия Ташқи ишлар вазирлиги.

Аввалроқ АҚШ Давлат департаменти 2023 йилги oдам савдоси ҳисоботини янгилаган эди, унда Туркия ёш болалардан ҳарбий мақсадларда фойдаланадиган давлатлар рўйхатига киритилган.

• АҚШ
• Туркия