Америкалик турк Айшенур Эзги Эйги 6 сентябрь куни Иордан дарёсининг Ғарбий қирғоғида Исроил аҳоли пунктларининг кенгайишига қарши норозилик намойиши пайтида вафот этган. Тахминларга кўра, у Исроил ҳарбийлари томонидан отиб ўлдирилган. Бу ҳақда Associated Press хабар берди.

Қайд этилишича, маҳаллий шифохонада 26 ёшли фаолнинг бошидан жароҳат олгани ва тиббий муассасага келганидан кейин вафот этгани ҳақида хабар берилган. Бундан олдин гувоҳлар ва маҳаллий оммавий ахборот воситалари Айшенур Эзги Эйги Исроил ҳарбийлари томонидан отиб ўлдирилганини хабар қилишган.

Шунингдек, Оқ уй Эйгининг ўлимига чуқур ҳамдардлик билдирди. АҚШ Исроил ҳукуматига “қўшимча маълумот бериш ва воқеани текширишни талаб қилиш учун” мурожаат қилди. Туркия ТИВ эса Исроилнинг ҳаракатларини кескин қоралади.

• Isroil
• Намойиш
• Oq uy
• Туркия