Доналд Трамп 1 миллиард доллардан ортиқ йирик инвестицияларни тасдиқлаш жараёнини тезлаштириш ниятида эканлигини айтган. Бу эса ишлаб чиқувчиларни ташвишга солаётган асосий муаммолардан бирини бартараф этишга ёрдам беради. Ушбу баёнот унинг кейинги ой лавозимга киришиши олдидан қилинган.

Сайланган президент 10 декабрь куни Truth Social платформасида ўз режаларини баён қилган. У Жо Байден маъмурияти томонидан илгари сурилган солиқ имтиёзлари ва субсидиялардан фарқли ўлароқ, ички инвестицияларни рағбатлантиришга эътибор қаратишини таъкидлаган.

“АҚШда 1 миллиард доллар ёки ундан кўпроқ сармоя киритган ҳар қандай компания ёки шахс тўлиқ тезлаштирилган рухсатномаларни олади” – Трамп Truth Соcиалда шундай ёзган.

У қандай рухсатномалар тезлашишини ёки 1 миллиард долларлик чегара қандай назорат қилинишини аниқ айтмаган. Бироқ бу баёнот АҚШ иқтисодиётига сармоя киритаётган компаниялар учун корпоратив солиқни 21 фоиздан 15 фоизгача камайтириш бўйича сайловолди ваъдасидир.

Трамп бу орқали ички ишлаб чиқаришнинг ўсишини қўллаб-қувватлаш ниятида.

Миллиардер ва Трампнинг асосий тарафдорларидан бири Илон Муск Х платформасидаги шарҳида ташаббусни “ажойиб” деб атаган ва президент унга федерал харажатларни оптималлаштиришда иштирок этишни буюрганини қўшимча қилган.

Экологлар эса бу таклифларга норози: уларнинг фикрига кўра, бундай ўзгаришлар табиий ландшафтларни, ҳаво ва сув сифатини сақлаб қолиш учун муҳим бўлган атроф-муҳитни муҳофаза қилишни сусайтириши мумкин.

Трампнинг баёноти бошқа таклифлар, жумладан, 20 фоизгача умумий импорт божларини жорий этиш ва тоза энергия лойиҳалари учун солиқ имтиёзларини бекор қилиш фонида пайдо бўлган.

• АҚШ
• Трамп