Элчихона мажмуасига камида учта “Катюша” ракетаси отилган. Бу Исроил ва Хамас ўртасидаги уруш бошланганидан бери АҚШнинг Бағдоддаги элчихонасига қилинган биринчи ҳужум.

АҚШнинг Ироқ пойтахти Бағдоддаги элчихонаси 8 декабрь, жума куни эрталаб камида учта ракета ҳужумига учради. “Маҳаллий вақт бўйича тахминан 4:20 да Америка элчихонасини нишонга олган учта Катюша ракетаси Дажла дарёси яқинидаги яшил майдон яқинига тушган”– деди Ироқ хавфсизлик кучлари вакили.

Ўз навбатида, америкалик ҳарбий мулозим номини ошкор қилмаслик шарти билан халқаро аксилтеррор коалицияси қўшинлари жойлашган АҚШ элчихонаси ва UNION III ҳарбий базаси яқинида сиреналар янграгани ва “портлаш товушлари” эшитилганини айтган. 

Бағдоддаги Америка дипломатик ваколатхонасига қилинган ҳужум учун ҳозирча ҳеч ким жавобгарликни ўз зиммасига олмаган. Бу октябрь ойи бошида Исроил ва Фаластиннинг ХАМАС террор ҳаракати ўртасидаги уруш бошланганидан бери АҚШнинг Ироқ пойтахтидаги элчихонасига қилинган биринчи ҳужум.

• АҚШ
• Iroq
• Raketa
• hujum