Ижтимоий тармоқларда “Асалҳоней” номи билан машҳур бўлган инста-блогернинг қотиллигида гумондор қўлга олинди. Йигит воқеа қандай бўлгани ҳақида гапириб берди.

Олиб борилган ўрганишлар натижасида блогерни ўлдирган шахс хоразмлик 25 ёшли йигит бўлган. Суд тиббий экспертизасининг хулосасига кўра, А.Х.нинг мурдаси 1 кундан кўп 3 кундан кам бўлган вақт орасида аниқланган. Йигит 2021 йилнинг ёз фаслида инстаблогер билан танишиб, у билан учрашиш учун 300 доллар таклиф қилган. Йигитда бу маблағ йўқлиги сабаб 2022 йилнинг феврал ойларида яна А.Х. билан алоқага чиққан. Ўша пайтда аёл йигитни ҳақорат қилган.Каримберган эса Хўжаеванинг яшаш манзилини кузатиб борган.

Сўнг унинг уйига бостириб кириб, пичоқ билан қорин соҳасига зарба берган ва бўғиб ўлдирган. Шунингдек, хонадондаги 31 миллион сўм, Хўжаеванинг банк картасидаги бир миллион сўмдан зиёд пулни қўлга киритган. Бундан ташқари, эрталабгача хонадонда қолиб, бу пулларни онлайн қимор ўйинларига сарфлаган.

Прокуратуранинг маълум қилишича, жиноят ишлари бўйича К.га нисбатан аввалги айбловга қўшимча қилинган. Унга нисбатан Жиноят кодексининг 97-моддаси (Қасддан одам ўлдириш) 2-қисми тегишли бандлари, 164-моддаси 3-қисми (Босқинчилик) жиноятларини содир этганликда айбдор деб топилиб, жиноят иши мазмунан кўриб чиқиш учун судга юборилган.

• Блогер
• Instagram
• Қотиллик