Австрияда эҳтиётсиз ҳайдовчилардан автомобиллари мусодара қилинади. Тез ҳайдашга қарши кураш бўйича янги қоидалар 1 мартдан кучга кирди, деб ёзади “Закон.кз”.

Қайд этилишича, бу жазо ҳайдовчи белгиланган меъёрдан шаҳарда 80 км/соатдан, шаҳар ташқарисида эса 90 км/соатдан ортиқ тезликни оширган тақдирда берилади. Австрияда тезлик чегараси энди шаҳарда 50 км/соат, ундан ташқарида - 100 км/соат, автобанда - 130 км/соат. Мамлакат бир неча йиллардан бери тез ҳайдаш ҳаракатларига қарши курашиб келмоқда.

2021 йилда эса Австрияда тезликни оширганлик учун жарималар сезиларли даражада ошган. Белгиланган чегарадан 30 км/соат тезликда юрганлар 150 евро тўлашлари керак. Жиддий ҳолатларда эса жарималар беш минг еврога eтади. Шунингдек, ноқонуний кўча пойгаларида иштирок этганлик учун лицензиядан олти ойга маҳрум қилиш ёки автомобилингизни мусодара қилиш жазоси қўлланилиши мумкин.

• Австрия
• Автомобил