Барселонанинг Эски шаҳар (Ciutat Vella) ҳудудида қазиш ишлари олиб борган археологлар ХІХ аср шоколад фабрикасини топди. Бу ҳақда “БЕЛТА” хабар берди.

Қайд этилишича, ушбу кашфиёт Пласа-де-ла-Льянадаги тўрт қаватли бинони таъмирлаш пайтида топилган.

“HeritageDaily” маълумотларига кўра, улар орасида ХІV асрга оид ўрта аср қалъаси қолдиқлари, ХVIІ асрга оид қўшимчалар ва ХІХ асрга оид шоколад фабрикаси излари бор бўлган.

Тарихий матнларда топилган далилларга кўра, сарой дастлаб Пиа Альмоина номи билан машҳур бўлган Барселона собори садақахонасига тегишли бўлган. ХV асрда бино ХVІ асргача мавжуд бўлган “Hostal de Sant Pere” номли меҳмонхонага айланди. 1825 йилда қайта тикланганидан сўнг, бинода Clemente Guardia шоколад фабрикаси жойлашган.

Завод 1888 йилги Барселона универсал кўргазмасининг альманахида эслатиб ўтилган. Ўша пайтда у хуштаъм шоколад ва пастил (шакар хамиридан тайёрланган глазур тури) ва ваниль шоколади, шунингдек, драже ишлаб чиқариш билан машҳур эди.

ХІХ асрда завод Барселонадаги энг машҳур шоколад ишлаб чиқарувчилардан бирига айланди. У ўз маҳсулотларини Испания бўйлаб ва ушбу мамлакат томонидан назорат қилинадиган хорижий ҳудудларга экспорт қилган.

Барселона археология хизмати (ICUB) мутахассислари заводда кўплаб меъморий элементларни, шунингдек, ёрлиқлар ясашда фойдаланиладиган сақлаш идишлари ва қўрғошин плиталарини топган.

• Барселона
• shokolad fabrikas