Беларус президенти Александр Лукашенко “Беларус Республикасининг Шанхай ҳамкорлик ташкилоти доирасидаги халқаро шартномаларга қўшилиши тўғрисида”ги қонунни имзолади. Ҳужжат республика Миллий ҳуқуқий порталида эълон қилинди.
Қонун Беларуснинг "Беларус Республикаси томонидан Шанхай Ҳамкорлик Ташкилотига аъзо давлат мақомини олиш жараёни доирасида" 22 та битим, конвенция ва шартномага қўшилишини назарда тутади. ШҲТга аъзо давлатлар ҳукуматлари ўртасида божхона ишлари бўйича ҳамкорлик ва ўзаро ёрдам тўғрисидаги шартнома, ШҲТга аъзо давлатлар ўртасидаги дўстлик ва ҳамкорлик, ШҲТга аъзо давлатлар ўртасида чегара масалалари бўйича ҳамкорлик ва ўзаро ҳамкорлик тўғрисидаги шартнома, терроризмга қарши кураш бўйича қатор шартномалар шулар жумласидандир.
Вазирлар кенгашига Минскнинг халқаро шартномалардаги иштирокини расмийлаштириш ва уларни амалга ошириш бўйича бошқа чора-тадбирларни кўриш учун зарур чораларни кўриш топширилди, деб ёзади “Interfaks”.
Аввалроқ, қонун Белaрус Миллий мажлиси вакиллар палатаси ва республика кенгаши томонидан маъқулланган эди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!